ევროსაბჭომ ჟურნალისტებზე თავდასხმის წინააღმდეგ რეზოლუციას კენჭი უყარა
რუსთავი 2-თან დაკავშირებული მოვლენები ევროსაბჭოს საპარლამენტო ასამბლეის პლენარულ სხდომაზე მიღებულ რეზოლუციას დაემატა, რომელიც ევროპაში მედია თავისუფლებას ეხება. ამ გადაწყვეტილებას კენჭისყრის შედეგად 121-მა დეპუტატმა დაუჭირა მხარი.
შესწორება ესტონელი დეპუტატის ერიკ კროსის მოთხოვნის საფუძველზე მიიღეს. შესწორებას არ ეთანხმებოდნენ ქართული ოცნების წარმომადგენლები.
უმრავლესობის წევრები აცხადებდნენ, რომ მიმდინარე მედია დავები არ უქმნის ქვეყანაში საფრთხეს მედია თავისუფლებას.
საბოლოოდ ევროსაბჭომ ევროპაში მედია თავისუფლებისა და ჟურნალისტებზე თავდასხმის წინააღმდეგ რეზოლუციას კენჭი უყარა. საბოლოო რედაქციაში მას დაემატა შესწორება, სადაც წერია, რომ ქვეყნის ყველაზე პოპულარული პროევროპული ტელევიზიის მფლობელების შეცვლის მცდელობამ საერთაშორისო პარტნიორებისა და სამოქალაქო საზოგადოების შეშფოთება გამოიწვია.
