ქუთაისში აქციაზე დაკავებული 6 სასამართლო დარბაზიდან გათავისუფლდა
ქუთაისის მერიასთან გუშინ აქციაზე დაკავებული 6 პირი სასამართლო დარბაზიდან გათავისუფლდა. სასამართლომ სამ მათგან ადმინისტრაციული ჯარიმა დააკისრა, სამის პროცესი კი გადაიდო.
შეგახსენებთ, რომ ქუთაისის მერიის შენობასთან გუშინ აქცია გაიმართა, სადაც ოპოზიციის მხარდაჭერებსა და სამართალდამცველებს შორის დაპირისპირება მოხდა. აქციის მონაწილეები ადგილობრივი ხელისუფლების წარმომადგენლებს უმოქმედობასა და კორუფციულ გარიგებებში ადანაშაულებდნენ.
