Transfermarkt-მა და Opta-მ ხვიჩა გამოარჩიეს
გერმანული პორტალის Transfermarkt-ის რედაქციამ რუსეთის პრემიერ ლიგის 2020-21 წლების სეზონის საუკეთესო ფეხბურთელები დაასახელა. მათ 23 მოთამაშე გამოარჩიეს და სიაში „რუბინის“ ქართველ ტალანტს, ხვიჩა კვარაცხელიასაც ვხედავთ.
„გასული სეზონის კიდევ ერთი აღმოჩენა ქართველი შემტევი, ხვიჩა კვარაცხელია გახდა, რომელმაც ბრწყინვალედ იასპარეზა. საფეხბურთო მოედანზე თავისი ცივსისხლიანობითა და იმ ფაქტით, რომ დაღვინებული მოთამაშეა, ყაზანელთა შემტევმა რამდენიმე საფეხბურთო გრანდის სელექციონერებზე შესანიშნავი შთაბეჭდილება მოახდინა, რისი დამსახურებითაც იგი ჩემპიონატის საუკეთესო მოთამაშეთა შორისაა“, - წერს Transfermarkt.
გერმანული პორტალის გარდა, კვარაცხელია Opta-მაც გამოარჩია და საკუთარ მონაცემებზე დაყრდნობით 2020-21 წლების სეზონის სიმბოლური ნაკრები შეადგინა, რომელშიც „რუბინის“ ქართველ ვარსკვლავსაც ვხედავთ.
