ჩელსი ჩემპიონთა ლიგის გამარჯვებულია

დასრულდა 2020/2021 წლების სეზონის ჩემპიონთა ლიგის ფინალი „მანჩესტერ სიტისა“ და „ჩელსის“ შორის. „არისტოკრატებმა“ კაი ჰავერცის ერთადერთი გოლის წყალობით ნანატრი ტიტული მოიგეს. ლონდონელთათვის ეს ისტორიაში მე-2 ჩემპიონთა ლიგის ტიტულია.

ჩემპიონთა ლიგის ისტორიაში, კაი ჰავერცი გახდა მეორე ყველაზე ახალგაზრდა ფეხბურთელი, რომელმაც ფინალში გოლი გაიტანა. გერმანელმა შემტევმა „სიტის“ კარი 21 წლის და 352 დღის ასაკში აიღო. რეკორდი კი ლარს რიკენს ეკუთვნის, რომელმაც „იუვენტუსს“ 20 წლის და 322 დღის ასაკში გაუტანა.

ჰავერცმა ჩემპიონთა ლიგის ფინალში სადებიუტო გოლი გაიტანა. მსგავსი შედეგი მხოლოდ ილქაი გიუნდოგანს აქვს, რომელმაც 2013 წელს „ბაიერნს“ გაუტანა.

სეზარ ასპილიკუეტა გახდა პირველი ესპანელი ფეხბურთელი, რომელმაც კაპიტნის რანგში ჩემპიონთა ლიგის ფინალში არაესპანური გუნდის შემადგენლობაში ითამაშა.

„ჩელსის“ ისტორიაში, ტიაგო სილვა გახდა ყველაზე ასაკოვანი ფეხბურთელი, რომელმაც ჩემპიონთა ლიგის ფინალში ითამაშა. ბრაზილიელმა კლოდ მაკელელეს შედეგი გააუმჯობესა.

ტომას ტუხელმა პეპ გუარდიოლას ბოლო ერთ თვეში ზედიზედ 3 მატჩი მოიგო. FA Cup-ზე, პრემიერ ლიგაში და ახლა უკვე ჩემპიონთა ლიგაზე.

აღსანიშნავია, რომ ბოლო 3 ჩემპიონთა ლიგის გათამაშება გერმანელმა მწვრთნელებმა მოიგეს. 2019 წელს კლოპმა „ლივერპულთან“ ერთად. 2020 წელს ფლიკმა „ბაიერნთან“ ერთად, ხოლო წელს ტუხელმა „ჩელსისთან“ ერთად. ასეთი რამ ბოლოს 39 წლის წინ დაფიქსირდა.

„ბედნიერი ვარ, რადგან ჩემპიონთა ლიგის ფინალში ზედიზედ მეორედ გავედი. ახლა განსხვავებული გრძნობა მაქვს.ფეხბურთელებს მკაცრად ჰქონდათ გადაწყვეტილი, რომ დღეს გაიმარჯვებდნენ. გვინდოდა, რომ მათ ბუცებში ქვები ვყოფილიყავით. ერთმანეთს მოვუწოდებდით, რომ ნაბიჯ-ნაბიჯ გვემოქმედა და კონტრ-შეტევებზე მაქსიმალურად სახიფათონი ვყოფილიყავით. ეს იყო მკაცრი და მწვავე ფიზიკური დაპირისპირება. ჩვენ მუდამ ერთმანეთს უნდა ვეხმარებოდეთ." -ტომას ტუხელი