საქართველოს ოლიმპიურმა გუნდმა ტოკიოში ასპარეზობა 8 მედლით დაასრულა
საქართველოს ოლიმპიურმა გუნდმა ტოკიოს ოლიმპიურ თამაშებზე ასპარეზობა 2 ოქროს, 5 ვერცხლის და 1 ბრინჯაოს მედლით დაასრულა.
ხვალ, 8 აგვისტოს ზაფხულის XXXII-ე ოლიმპიურ თამაშების ოფიციალური დახურვის ცერემონია გაიმართება, სადაც გაირკვევა საქართველოს ოლიმპიური გუნდის მიერ საერთო ჩათვლაში დაკავებული ადგილი. დღევანდელი მონაცემებით 205 ქვეყანას შორის საქართველო 29-ე ადგილზეა.
️
ცნობისთვის, საქართველოს ოლიმპიურმა დელეგაციამ მედლების რაოდენობის თვალსაზრისით საუკეთესო შედეგი აჩვენა ჩვენი ქვეყნის ოლიმპიადაზე დამოუკიდებლად ასპარეზობის შემდეგ. საქართველოს დროშით ჩვენი სპორტსმენები ზაფხულის ოლიმპიურ თამაშებზე 1996 წლის ატლანტის ოლიმპიადიდან მონაწილეობენ.