"არც ერთი დაზარალებული არ დარჩება სახელმწიფოს ზრუნვის გარეშე" - ირაკლი ღარიბაშვილი
პრემიერი ღარიბაშვილი კახეთში მოსულ ძლიერ სეტყვაზე განცხადებას ფეისბუქზე ავრცელებს და დაზარალებულ მოსახლეობას დახმარებას პირდება.
"ძლიერმა სეტყვამ და ქარმა კახეთში - ყვარლის, თელავისა და გურჯაანის მუნიციპალიტეტებში 4 600 ჰექტარი ვენახი დააზიანა.
სახელმწიფო ყველაფერს აკეთებს დაზარალებული მოსახლეობის დასახმარებლად.
ამ პროცესის წარმართვა ვიცე- პრემიერ ლევან დავითაშვილს დავავალე.
შექმნილია საკოორდინაციო შტაბი, სადაც მიმდინარეობს ზარალის დათვლა. ადგილზე იმყოფება ჩემი წარმომადგენელი - მთავრობის ადმინისტრაციის რეგიონებთან ურთიერთობის დეპარტამენტის ხელმძღვანელი ლერი ბარნაბიშვილი.
არც ერთი დაზარალებული არ დარჩება სახელმწიფოს ზრუნვის გარეშე!"- წერს ირაკლი ღარიბაშვილი.
შეგახსენებთ, რომ კახეთში ძლიერი სეტყვის შედეგად რამდენიმე სოფელში, ვენახების დიდი ნაწილი გაანადგურა.
