ფაროსანასთან ბრძოლის ქართული მართვის მეთოდი აშშ-ს მიერ იქნა აღიარებული - ღარიბაშვილი
საქართველოს პრემიერ-მინისტრის, ირაკლი ღარიბაშვილის თქმით ფაროსანასთან ბრძოლის ქართული მართვის მეთოდი აშშ-ს მიერ იქნა აღიარებული.
"ახლახან ვიმყოფებოდი ფაროსანას მართვის შტაბში, რომელიც შექმნილია ბატონი ლევან დავითაშვილისა და მისი სამინისტროს მიერ. იმართა ძალიან ეფექტიანად და მსოფლიოდან, მათ შორის, ამერიკის შეერთებული შტატების მიერ იქნა აღიარებული ფართოდ, რომ ქართული მართვის მოდელი არის ნამდვილად წარმატებული, მადლობა ბატონ ლევანს და მთელ შტაბს, ვინც მუშაობდა ამ მართლაც ძალიან დიდი გამოწვევის დამარცხებაში. და ეს პრობლემა დაძლეულ იქნა".
