რუსთაველზე, პარლამენტთან ოპოზიციის აქცია მიმდინარეობს
თბილისში, რუსთაველის გამზირზე, პარლამენტის შენობის წინ "ნაციონალური მოძრაობის" მიერ ორგანიზებული აქცია მიმდინარეობს.
როგორც აქციაზე ენმ-ის თავმჯდომარემ განაცხადა, აქცია ხვალ, 10 ნოემბერს, 4 სხვადასხვა ლოკაციაზე გაიმართება.
ნიკა მელიას ინფორმაციით აქციები გაიმართება იუსტიციისა და ჯანდაცვის სამინისტროებთან, ასევე მოდულის შენობასთან. მე-4 ლოკაციის მისამართი კი მან განგებ არ დაასახელა.
ოპოზიცია აქციებზე საქართველოს მესამე პრეზიდენტის სამოქალაქო პროფილის სამედიცინო დაწესებულებაში გადაყვანას და მიხეილ სააკაშვილის გათავისუფლებას ითხოვენ.
