"კრიტიკას ვიღებ და ბოდიშს ვიხდი" - გიგი უგულავა
პოლიტიკოსი გიგი უგულავა მის მიერ აქციაზე გაკეთებულ განცხადებასთან დაკავშირებით სოციალურ ქსელში განმარტებას აკეთებს და საზოგადოებას ბოდიშს უხდის.
"ჩემმა დღევანდელ მიტინგზე ნათქვამმა სიტყვებმა გულისწყრომა გამოიწვია - მათ შორის, ჩემთვის საპატივცემულო ხალხის.
კრიტიკას ვიღებ და ბოდიშს ვიხდი. დეტალებში არ შევალ. სჯობს ეს საკითხი არ განვიხილოთ და მოჭრილად ვთქვათ - რომ ბავშვებს გავეშვათ
პირიქით, ყველა ბავშვი უნდა დავიცვათ ღვარძლისა და სიძულვილისგან, რომელიც დღეს ქვეყანაში ტრიალებს და თანამედროვე ინფორმაციული სამყაროს თავისებურებების გამო, მათი ცხოვრების ნაწილი ხდება," - წერს გიგი უგულავა.
ცნობისთვის, გიგი უგულავამ გოგა ორდენიძის შვილს მიმართა, "შენც და შენმა კლასელებმაც უნდა იცოდეთ მამა გყავს ჯალათიო". ორდენიძე ციხის თანამშრომელია, რომელმაც სავარაუდოდ, მიხეილ სააკაშვილს სიტყვიერი შეურაცხყოფა მიაყენა.
