მიხეილ სააკაშვილის საქართველოში შემოსვლის საქმეზე დაკავებული ოთხივე პირი ბრალს აღიარებს
თბილისის საქალაქო სასამართლოში მიხეილ სააკაშვილის საქართველოში შემოსვლის საქმეზე დაკავებულების - გიორგი ნარიმანიძის, ელგუჯა ცომაიას, ზურაბ და შალვა წოწორიების წინასასამართლო სხდომა მიმდინარეობს.
მოსამართლის კითხვაზე - აღიარებენ თუ არა ისინი ბრალს, თითოეულმა მათგანმა პროცესზე აღნიშნა, რომ ბრალს აღიარებს.
სხდომაზე მხარეებმა მტკიცებულებების დასაშვებობაზე იმსჯელეს და მოსამართლემ აღნიშნული მტკიცებულებები დასაშვებად ცნო.
სასამართლომ ოთხივე ბრალდებული პატიმრობაში დატოვა.
ბრალდებულებს - გიორგი ნარიმანიძეს, ელგუჯა ცომაიას, შალვა და ზურაბ წოწორიებს მძიმე დანაშაულის დაფარვას ედავებიან. ელგუჯა ცომაიას ასევე ბრალი წარდგენილი აქვს საზღვრის უკანონო გადმოკვეთაში დახმარებისთვის.
