ნიკოლოზ ბასილაშვილი დოჰას ტურნირის ნახევარფინალშია
საქართველოს საუკეთესო ჩოგბურთელი, ნიკოლოზ ბასილაშვილი დოჰას ტურნირის ნახევარფინალშია.
დოჰაში მიმდინარე ATP სერიის 250-ქულიან ტურნირზე დღეს ქართველმა ჩოგბურთელმა მეოთხედფინალურ შეხვედრაში რეიტინგის 36-ე ნომერი, 30 წლის უნგრელი მარტან ფუჩოვიჩი სამ სეტში 1:6 6:2 7:5 დაამარცხა.
29 წლის ქართველი აღნიშნული ტურნირის მოქმედი ჩემპიონია და შესაბამისად, დოჰაში ტიტულის დასაცავად თამაშობს.
