ზურაბ დათუნაშვილი სერბეთის წლის საუკეთესო სპორტსმენად დასახელდა
ბერძნულ-რომაული სტილით მოჭიდავე, ზურაბ დათუნაშვილი სერბეთის 2022 წლის საუკეთესო სპორტსმენად დაასახელეს.
„ყველას მადლობას ვუხდი მხარდაჭერისთვის. იყო საუკეთესო ისეთი ჩემპიონების ქვეყანაში, როგორებიც არიან ნოვაკ ჯოკოვიჩი და წყალბურთელები, ჩემთვის დიდი პატივია! მე მიყვარს სერბეთი, მიყვარს ბელგრადი, მიყვარს ჩემი აქაური მეგობრები. ეს ჩემი მეორე სახლია. კიდევ უფრო შეუპოვრად ვიბრძოლებ სერბეთისთვის, მიყვარხართ ყველა. გაუმარჯოს სერბეთს", - თქვა ზურაბ დათუნაშვილმა.
