ძალიან, ძალიან დიდი მადლობა მინდა გადავუხადო ამ ეკიპაჟს - რატომ გადაუხადა მადლობა სასწრაფოს ექიმმა სამართალდამცავებს?
სასწრაფოს ექიმი, მაცაცო ლაფაჩიმ პოლიციის ეკიპაჟს დახმარებისთვის მადლობა გადაუხადა. მისი თქმით, სამართალდამცველბი მათ რთულ მომენტში დაეხმარნენ.
„ძალიან, ძალიან დიდი მადლობა მინდა გადავუხადო ამ ეკიპაჟს.წარმოუდგენლად დაგვეხმარნენ, როდესაც მისამართს ეძებ, გელოდება პაციენტი, ღამის 03:30-ია, ვერც ვერავის ეკითხები, Map-ი ურევს და ვერ აგნებ, ამ დროს წინ გაგვიძღვა, სადარბაზომდე მიგვიყვანა და ეს ყველაზე მაგარი თანადგომაა ჩვენთვის.
დიდი მადლობა მათ, არ ვიცი სახელი და გვარები, თვითონ ამოიცნობენ იმედია თავს. გაიხარეთ ბიჭებო“, - წერს მაცაცო ლაფაჩი.
