2022 წელს საქართველოში საქონლით საგარეო სავაჭრო ბრუნვა 32.8%-ით გაიზარდა - რა ანგარიშს აქვეყნებს საქსტატი?
სტატისტიკის ეროვნული სამსახურის წინასწარი მონაცემებით, 2022 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 19 043.0 მილიონი აშშ დოლარი შეადგინა, რაც წინა წლის შესაბამის მაჩვენებელზე 32.8 პროცენტით მეტია.
საქსტატის ცნობით, აქედან, ექსპორტი 5 592.8 მილიონ აშშ დოლარს შეადგენს, ანუ 31.8 პროცენტით მეტი, ხოლო იმპორტი – 13 450.1 მილიონი აშშ დოლარი, რაც 33.2 პროცენტით მეტია.
უარყოფითმა სავაჭრო ბალანსმა 2022 წელს 7 857.3 მილიონი აშშ დოლარი შეადგინა, რაც საგარეო სავაჭრო ბრუნვის 41.3 პროცენტია.
