„ვცდილობთ, საქართველოსთან ძალის გამოუყენებლობაზე შეთანხმებას“ - მარია ზახაროვა
რუსეთის საგარეო საქმეთა სამინისტროს წარმომადგენელი, მარია ზახაროვა აცხადებს, რომ აფხაზეთსა და სამხრეთ ოსეთში საქართველოს მხრიდან ძალის გამოუყენებლობაზე მოსკოვი თბილისთან შეთანხმებას ცდილობს.
„აფხაზეთისა და სამხრეთ ოსეთის უსაფრთხოება განსაკუთრებულ მნიშვნელოვანია ჩვენთვის. მოგეხსენებათ, მათ ტერიტორიებზე რუსული სამხედრო ბაზები ფუნქციონირებს, ერთობლივად ვიცავთ სახელმწიფო საზღვრებს გარედან შესაძლო პროვოკაციების აცილების მიზნით.
ვცდილობთ, საქართველოსგან მივაღწიოთ შეთანხმებას ამ ქვეყნების მიმართ ძალის გამოუყენებლობაზე. სწორედ ესაა რეგიონში სტაბილურობის საწინდარი“, – განაცხადა მარია ზახაროვამ.
