სტრასბურგის ადამიანის უფლებათა ევროპულმა სასამართლომ გამამტყუნებელი განაჩენი გამოუტანა „ევროს კავშირის“ 577 დეპუტატს - გოგა ხაინდრავას ემოციური მიმართვა
რეჟისორი გოგა ხაინდრავა საქმეზე „ოჩიგავა საქართველოს წინააღმდეგ“ ადამიანის უფლებათა ევროპული სასამართლოს გადაწყვეტილებას სოციალურ ქსელში ეხმაურება.
როგორც ხაინდრავა აღნიშნა, სტრასბურგის ადამიანის უფლებათა ევროპულმა სასამართლომ გამამტყუნებელი განაჩენი გამოუტანა „ევროს კავშირის“ 577 დეპუტატს!
„სტრასბურგის ადამიანის უფლებათა ევროპულმა სასამართლომ გამამტყუნებელი განაჩენი გამოუტანა „ევროს კავშირის“ 577 დეპუტატს! მათ ბრალი ედებათ სააკაშვილის რეჟიმის მიერ საქართველოს პენიტენციურ სისტემაში პატიმართა მიმართ წამების და არაადამიანური მოპყრობის მხარდაჭერაში! FREE MISHA!“, – წერს ხაინდრავა.
ადამიანის უფლებათა ევროპულმა სასამართლომ საქმეზე „ოჩიგავა საქართველოს წინააღმდეგ“ გადაწყვეტილება გამოაქვეყნა. გადაწყვეტილებაში ნათქვამია, რომ აკაკი ოჩიგავას მიმართ არასათანადო მოპყრობა არ შეიძლება, არ იქნას კვალიფიცირებული როგორც წამება, ეს ჩადენილი იყო პატიმრებისადმი სისტემური ძალადობის პერიოდში.
ამასთან, იუსტიციის სამინისტროს განმარტებით, სტრასბურგის გადაწყვეტილებით დგინდება, რომ 2012 წლამდე საქართველოს პენიტენციურ სისტემაში წამებას სისტემური ხასიათი ჰქონდა, მათ შორის იყო პატიმრების ცემა კვირაში რამდენჯერმე.
