თეგებით ძიება

მრცხვენია ჩვენი ამომრჩევლის - ხატია დეკანოიძე

„ნაციონალური მოძრაობის“ წევრმა, ხატია დეკანოიძემ განაცხადა, რომ ამომრჩევლის რცხვენია.

როგორც ხატია დეკანოიძემ აღნიშნა, ძალიან მნიშვნელოვანია საპარლამენტო განხილვებზე შესვლა, მათ შორის კომიტეტებზეც.

„ვაპირებ, რომ საპარლამენტო განხილვებში ჩავერთო. მიმაჩნია, რომ ამ შემთხვევაში ბოიკოტი არ არის იმ შედეგის მომტანი, რაც ალბათ ყველას გვსურს, მაგრამ, ვფიქრობ, ეს პარტიის საუკეთესო ინტერესებიდან გამომდინარე უნდა გადაწყდეს. ქუჩის პროტესტი, რაც დემოკრატიის ერთ-ერთ მნიშვნელოვანი მექანიზმია, ხელს არ უშლის იმას, რომ პარლამენტში ის ინსტრუმენტები გამოვიყენოთ, რომელიც აუცილებელია და ამით შევასრულოთ უცხოელი მეგობრების თხოვნაც. ძალიან მნიშვნელოვანია განხილვებზე შესვლა, მათ შორის კომიტეტებზე.

მგონი, ერთხელ და სამუდამოდ მანდატების დატოვებასა და ბოიკოტზე საუბარი უნდა დასრულდეს, რადგან საპარლამენტო არჩევნებამდე წელიწად-ნახევარი დარჩა და ამაზე უკვე სამი წელი საუბარი წარმოუდგენელია. ჩვენი ამომრჩევლის პირადად მრცხვენია, ვისაც ამაზე ვესაუბრებით. ალბათ იმ კვირაში კონტურები გამოიკვეთება, პარტია როგორ აპირებს საქმიანობას. მას შემდეგ, რაც შარლ მიშელის დოკუმენტს ხელი მოვაწერეთ – მიუხედავად იმისა, რომ „ქართულმა ოცნებამ“ დოკუმენტი უკან წაიღო – პარტია პარლამენტში შემოვიდა და საპროტესტო საქმიანობასთან ერთად საპარლამენტო მუშაობა უნდა გაგრძელდეს, თან – ღირსეულად“, – განაცხადა დეკანოიძემ.


თეგები


რეკომენდირებულია თქვენთვის

ყველა

აღმოაჩინეთ მეტი Tia-დან

ყველა