„თუ ხელისუფლება არღვევს კონსტიტუციურ მოთხოვნებს, ეს ნიშნავს, რომ აწყობს სახელმწიფო გადატრიალებას“ - ხუხაშვილი
ექსპერტი, გია ხუხაშვილი სოციალურ ქსელში წერს, რომ თუ ხელისუფლება არღვევს კონსტიტუციას, ეს მისი მხრიდან სახელმწიფო გადატრიალების მოწყობას ნიშავს.
„თუ ხელისუფლება არღვევს კონსტიტუციურ მოთხოვნებს, ეს ნიშნავს, რომ ის ძალაუფლების ბოროტად გამოყენების გზით აწყობს სახელმწიფო გადატრიალებას.
ამ დროს იწყება პირდაპირი დემოკრატიული პროცესი - ხალხს აქვს არა თუ უფლება, არამედ ვალდებულება ნებისმიერი მშვიდობიანი მეთოდებით აიძულოს ხელისუფლება დაბრუნდეს კანონიერების ჩარჩოში. თუ ეს უკანასკნელი უარს აცხადებს ამაზე, ჩამოაშოროს ის ძალაუფლებას და ამ გზით აღადგინოს კონსტიტუციური წესრიგი“, - წერს ხუხაშვილი.
