„საცოდაობას, სახელად ირაკლი ღარიბაშვილს...“ - ნიკა გვარამიას წერილი ციხიდან

"მთავარი არხის" დამფუძნებელი, ნიკა გვარამია პარლამენტში პრემიერ, ირაკლი ღარიბაშვილის გამოსვლას ეხმაურება და საპატიმროდან წერილს აქვეყნებს.

"საცოდაობას, სახელად ირაკლი ღარიბაშვილს, შევახსენებ, რომ ტელეკომპანია იმედის ან ნებისმიერ სხვა საქმეში ჩემი დადანაშაულება ოცნების პროკურატურას და სასამართლოსაც არ მოსვლია აზრად და არათუ განაჩენი ან ბრალი არ წაუყენებიათ ჩემთვის, დაკითხვითაც არ დავუკითხივარ, არც ამ და არც ხელისუფლებაში ყოფნისას ნებისმიერ ჩემს ქმედებაზე. შესაბამისად, ნებისმიერი ამგვარი პროპაგანდისტული ტყუილი არის პოლიტიკური დევნის მორიგი ეპიზოდი და აუცილებლად წარვადგენ სტრასბურგში. 

რ2-ის საქმეს რაც შეეხება, და ზოგადად კორუფციას, ასევე შევახსენებ ღრმად კორუმპირებულ პრემიერს, რომ ქართული ოცნებისთვისაც კი უპრეცენდენტო მიზეზითაა ივანიშვილის მიერ გათავისუფლებული ნეპოტიზმითა და კრონიზმით გამოვლენილი პოლიტიკური კორუფციის გამო.

და ბოლოს, ჩემი აღფრთოვანება დღევანდელი გამოსვლებისთვის Salome Samadashvili Khatia Dekanoidze Eka Kherkheulidze ბოსტნის საფრთხობელა პრემიერის ფონზე კიდევ უფრო შთამბეჭდავად გამოიყურებოდით", - წერს ნიკა გვარამია.

ცნობისთვის, ირაკლი ღარიბაშვილმა პარლამენტში სიტყვით გამოსვლის დროს ნიკა გვარამიას ბოროტმოქმედი უწოდა.