2023 წელი იქნება აყვავებული და ბედნიერი წელი რუსეთისთვის - დიმიტრი მედვედევი
რუსეთის ექსპრეზიდენტი, დიმიტრი მედვედევი ამბობს, რომ 2023 წელი მათთვის იქნება აყვავებული და ბედნიერი წელი.
"იცით, დარწმუნებული ვარ, რომ 2023 წელი იქნება განსხვავებული, იქნება დრამატული და, მეორე მხრივ, საშუალებას მოგვცემს ვუპასუხოთ ყველაზე რთულ კითხვებს. ის მოგვცემს ჩვენი ხალხის ნამდვილი გმირობის ნიმუშებს. და ბოლოს, 2023 წელი იქნება აყვავებული და ბედნიერი წელი ჩვენი ქვეყნისთვის", - თქვა მედვედევმა.
შეგახსენებთ, 2022 წლის 24 თებერვალს რუსეთის არმია უკრაინაში შეიჭრა, რამაც რუსეთში ემიგრაციის ორი ტალღა გამოიწვია.
