ერთი დაღუპული და 3 დაშავებული - აჭარაში სტიქიას მსხვერპლი მოჰყვა
აჭარაში, ძლიერი ქარით გამოწვეული პრობლემების გამო, ერთი ადამიანი გარდაიცვალა, ხოლო სამი დაშავდა.
ადგილობრივების ინფორმაციით, ქობულეთში ძლიერმა ქარმა ხე მოგლიჯა, რომელიც მსუბუქ ავტომობილს დაეცა. შედეგად ერთი ადამიანი გარდაიცვალა.
გარდა ამისა, ძლიერი ქარის შედეგად სამი ადამიანი დაშავდა ბათუმში. დაშავებულებს შორის ერთი არასრულწლოვანია.
