ჩაქვში ქარიშხალმა სახლი დაანგრია და ნანგრევებში ქალი მოიყოლა
აჭარაში, ჩაქვში ძლიერმა ქარმა ცოლ-ქმარს სახლი დაუნგრია. ქალი დაზიანებით კლინიკაშია გადაყვანილი.
"სახლი წააქცია. გათიშული იყო, ახლა კარგად არის, არაუშავს. დაჟეჟილობები აქვს. წასასვლელს მოვნახავთ მაგრამ შენი საკუთარი ხომ გინდა, ამაზეა ლაპარაკი, ხვალ რა ვქნათ და ზეგ", - აცხადებს დაზარალებული.
ცნობისთვის, აჭარაში, ძლიერმა ქარმა სახლებს სახურავები ახადა, ხეები წააქცია და სარეკლამო ბილბორდები მოგლიჯა.
გამოწვეული პრობლემების გამო, ერთი ადამიანი გარდაიცვალა, ხოლო სამი დაშავდა.
