ნაკლებად სავარაუდოა, რომ უკრაინამ გამარჯვებას წელს მიაღწიოს - როგორია გენერლის პროგნოზი?

ნაკლებად სავარაუდოა, რომ უკრაინა წელს თავისი ტერიტორიიდან მთელ რუსულ ძალებს განდევნის, - ამის შესახებ აშშ-ის შეიარაღებული ძალების გაერთიანებული შტაბების კომიტეტის ხელმძღვანელმა, გენერალმა მარკ მილიმ განაცხადა.

„არ მგონია, რომ ეს უახლოეს პერსპექტივაში, წელს განხორციელდეს. ზელენსკიმ საჯაროდ არაერთხელ განაცხადა, რომ უკრაინის მიზანია რუსეთის მიერ ოკუპირებული ტერიტორიიდან ყველა რუსის გაძევება და ეს მნიშვნელოვანი სამხედრო ამოცანაა. ძალიან, ძალიან რთული სამხედრო ამოცანა. ხედავთ, რომ რამდენიმე ასეული ათასი რუსი ჯერ კიდევ იმყოფება რუსეთის მიერ ოკუპირებულ უკრაინის ტერიტორიაზე. მე არ ვამბობ, რომ ამის გაკეთება შეუძლებელია, მე უბრალოდ ვამბობ, რომ ეს ძალიან რთული ამოცანაა“, - განაცხადა გენერალმა მარკ მილიმ.

ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო.