იმპორტირებულ ხახვი ზომაშიც მოიკოჭლებს - საქართველოში ეგვიპტური ხახვი იყიდება?

East-fruit-ი ბაზრის ანალიზზე დაყრდნობით წერს, რომ ეგვიპტური ხახვის 2023 წლის მოსავალი უკვე საქართველოს ბაზარზე იყიდება.

პროდუქტის საბითუმო ღირებულება კილოგრამზე დაახლოებით 2,5 ლარს შეადგენს.

გარდა მაღალი ფასისა, იმპორტირებულ ხახვი ზომაშიც მოიკოჭლებს, თუმცა იმპორტიორები იმედოვნებენ, რომ ისინი სრული პარტიის რეალიზებას შეძლებენ, რადგან აზერბაიჯანული და ირანული ხახვი ქართულ ბაზარზე მაისის შემდეგ შემოვა, ამ დროისთვის კი ეგვიპტის ხახვი ხელმისაწვდომი აღარ იქნება.

ცნობისთვის, ცენტრალურ აზიაში, კერძოდ კი უზბეკეთში, ტაჯიკეთსა და ყირგიზეთში კვლავ საკმაოდ დიდი რაოდენობით არის ხახვი, რომელიც ამ ქვეყნების ნაწილიდან ექსპორტზე გადის. ამასთან, უზბეკეთში ხახვი უფრო იაფი ღირს, ვიდრე საქართველოში.