ანალიზებით დადასტურდა, რომ სააკაშვილთან მძიმე მეტალებით მოწამვლას ადგილი არ ჰქონია - ზურაბ ჩხაიძე
„ვივამედის“ კლინიკურმა დირექტორმა, ზურაბ ჩხაიძემ განაცხადა, რომ „ლიმბახის“ გერმანულ ლაბორატორიაში ჩატარებული ანალიზებით დადასტურდა, რომ ექსპრეზიდენტ, მიხეილ სააკაშვილთან მძიმე მეტალებით მოწამვლას ადგილი არ ჰქონია.
„გავიმეორეთ ყველა ანალიზი, განსაკუთრებით მის ძირითად დაავადებებთან უკვე რაც გვქონდა გამოტანილი და რაც შედის კვლევის პაკეტში, გაგზავნილი იყო ანალიზი სისხლში მძიმე მეტალების შემცველობასთან დაკავშირებით. მივიღეთ პასუხი „ლიმბახის“ გერმანული ლაბორატორიიდან და ყველა ჩამოთვლილი მძიმე მეტალი, რომელსაც ვიკვლევდით, არის ნორმის ფარგლებში, ეს მიუთითებს იმაზე, რომ მძიმე მეტალებით მოწამვლას მასთან ადგილი არ აქვს. ეს მეორედ შესრულებული კვლევაა და ინტოქსიკაციის, მოწამვლის არანაირი ნიშანი ამ ანალიზით არ დასტურდება“, - განაცხადა ჩხაიძემ.
