მიმდინარე წლის პირველ კვარტალში, კვერცხის იმპორტი 1.8 მლნ ლარამდე გაიზარდა

მიმდინარე წლის პირველ კვარტალში საქართველოში ფრინველის კვერცხის იმპორტი გაიზარდა. საქსატის მიხედვით, ქვეყანამ 1.8 მლნ დოლარის ღირებულების 19 480 360 ცალი კვერცხი შეიძინა.

კვერცხის საიმპორტო ღირებულება 73.9%-ით გაიზარდა, ხოლო რაოდენობა 472%-ით, აქედან გამომდინარე შეგვიძლია ვთქვათ, რომ კვერცხის ღირებულება საერთაშორისო ბაზარზე შემცირდა.

ამ პერიოდის განმავლობაში კვერცხი ძირითადად თურქეთიდან შემოდიოდა. მიმდინარე წლის პირველი კვარტალის განმავლობაში საქართველომ მეზობელი თურქეთიდან 1 მილიონ 845 ათასი დოლარის ღირებულების 19 479 760 ცალი კვერცხი შეიძინა. იმპორტის უმნიშვნელო ნაწილი კი უნგრეთზე მოდის, საიდანაც მხოლოდ 1.8 ათასი დოლარის 600 ცალი კვერცხის იმპორტი მოხდა.

გასული წლის ამავე პერიოდის განმავლობაში საიმპორტო ბაზრებს შორის ასევე ბულგარეთი, რუსეთი და საფრანგეთი იყო.

წყარო - BM.GE