საქართველოში მუშაობა საერთაშორისო სავალუტო ფონდის მისიამ დაიწყო - რას ამბობს ფინანსთა მინისტრი?
საქართველოში მუშაობა დაიწყო საერთაშორისო სავალუტო ფონდის მისიამ.
ფინანსთა სამინისტროს პრესსამსახურის ინფორმაციით, მისიის ხელმძღვანელმა, ჯეიმს ჯონმა და მისიის წევრებმა პირველი შეხვედრა ფინანსთა მინისტრთან, ლაშა ხუციშვილთან გამართეს.
მხარეებმა ისაუბრეს საქართველოსა და საერთაშორისო სავალუტო ფონდს შორის თანამშრომლობის საკითხებზე და სსფ-ის პროგრამით გათვალისწინებული რეფორმების მიმდინარეობაზე. განხილულ იქნა წლის დასაწყისიდან ქვეყანაში არსებული ეკონომიკური ვითარება და პროგნოზები.
შეხვედრას დაესწრნენ სსფ-ის მუდმივი წარმომადგენელი საქართველოში სელიმ ჩაკირი, ფინანსთა მინისტრის მოადგილეები გიორგი კაკაურიძე, ეკატერინე გუნცაძე, მირზა გელაშვილი, სახაზინო სამსახურის უფროსის მოვალეობის შემსრულებელი დავით გამყრელიძე, ფისკალური რისკების მართვის დეპარტამენტის უფროსი შოთა გუნია.
