"ეს ჰიტიც და კლიპიც ძალიან მომწონს და ვფიქრობ არის, საუკეთესო მაგალითი" - ზაზა შენგელია ნუცა ბუზალაძის უცნობ ვიდეოს აქვეყნებს

"ბრავო რეკორდსის“ დამფუძნებელი, ზაზა შენგელია სოციალურ ქსელში მომღერალ, ნუცა ბუზალაძის ვიდეოს აქვეყნებს და წერს, რომ კლიპი 2019 წელსაა ჩაწერილი.

"ეს არის სიმღერა-ჰიტი ნუცა ბუზალაძის სადებიუტო ალბომიდან, რომელიც ნუცამ 2019 წელს “ბრავო რექორდსში” ჩაწერა. მე ეს ჰიტიც და კლიპიც ძალიან მომწონს და ვფიქრობ არის საუკეთესო მაგალითი, თუ როგორ უნდა ითანამშრომლოს კომპოზიტორმა, ტექსტის ავტორმა, არანჟირების ავტორმა, ხმის ინჟინერმა, კლიპის რეჟისორმა და შემსრულებელმა“, - წერს ზაზა შენგელია.

შეგახსენებთ, რომ ნუცა ბუზალაძე "AMERICAN IDOL"-ში მონაწილეობდა. ქართველი მომტერელი ტოპ-12-ში მოხვდა, თუმცა შემდეგ ეტაპზე გადასვლა ვერ მოახერხა.