ვის შემოაქვს ქვეყანაში ნავთობი და ნავთობპროდუქტები? - TOP-10 იმპორტიორი კომპანია

2023 წლის პირველ მეოთხედში საქართველოს უმსხვილესი საიმპორტო საქონლის ათეულში მსუბუქი ავტომობილების შემდეგ მეორე ადგილი მთლიან იმპორტში 7.6%-იანი წილით ნავთობსა და ნავთობპროდუქტებს უკავიათ. შესაბამისად, ქვეყანიდან იანვარ-მარტის განმავლობაში 315 049 ტონა საქონლის შესაძენად 251 მილიონ 150 ათასი დოლარი გავიდა. იმპორტი გასული წლის პირველ კვარტალთან შედარებით ღირებულებით 2.6%-ით გაიზარდა, მოცულობით კი 9.2%-ით.

ნავთობისა და ნავთობპროდუქტების მთავარი საიმპორტო ქვეყანა კი რუსეთი იყო. ამ მიმართულებას საქართველოს ნავთობის იმპორტში 67.2%-იანი წილი ეკავა. ქვეყნის მიერ პირველ კვარტალში შესყიდული ნავთობის ღირებულებისა და მოცულობის მიხედვით ქვეყნების რეიტინგი კი ასეთია:

1. რუსეთი - $169 მილიონი, 235,339 ათასი ტონა.

2. რუმინეთი - $39 მილიონი, 45,505 ათასი ტონა;

3. თურქმენეთი - $14 მილიონი, 15,092 ათასი ტონა;

4. საბერძნეთი - $9 მილიონი, 8,332 ათასი ტონა;

5. აზერბაიჯანი - $4 მილიონი, 4,091 ათასი ტონა.

ქვეყანაში ნავთობროდუქტების შემომტანი კომპანიების TOP-10-ეული შემდეგნაირია:

• შპს ლაგუნა;

• შპს ლუკოილ-ჯორჯია;

• შპს პეტროკას ფიუელ სერვისიზ ჯორჯია;

• შპს პორტალ პეტროლეუმ ჯორჯია;

• შპს რომპეტროლ საქართველო;

• შპს სან პეტროლიუმ ჯორჯია;

• შპს ჯე ტრეიდ;

• შპს ჯეორჯიან როუტ;

• შპს ჯორჯიან პეტროლიუმი;

• სს ვისოლ პეტროლიუმ ჯორჯია.