„აუცილებელია ხელისუფლებამ უარი თქვას ფრენების აღდგენაზე!“ - თინა ხიდაშელი

თავდაცვის ყოფილი მინისტრი, თინა ხიდაშელი რუ­სე­თის მიერ სა­ქარ­თვე­ლოს მო­ქა­ლა­ქე­ე­ბის­თვის სა­ვი­ზო რე­ჟი­მის გა­უქ­მე­ბას და ფრენების აღდგენას სოციალურ ქსელში ეხ­მა­უ­რე­ბა და წერს, რომ საქართველოს ხელისუფლებამ უარი უნდა თქვას ფრენების აღდგენაზე.

„აბსოლუტურად აუცილებელი და უალტერნატივოა რომ საქართველოს ხელისუფლებამ:

1. უარი თქვას ფრენების აღდგენაზე და შეუერთდეს ევროკავშირის სანქციებს რუსული ავიაკომპანიების წინააღმდეგ;

2. სავიზო რეჟიმი დაუწესდეთ რუსეთის მოქალაქეებს.

და სულ არ მგონია რომ ეს საჩუქარია ხელისუფლებისთვის.

სწორედ რომ პირიქით, კრემლმა ზუსტად იცის თბილისში არსებული ხელისუფლების სისუსტე და შიშები და სწორედ ამიტომ მუდმივად აშანტაჟებს. ამ შემთxვევაშიც ასეა, სწორედ ამ ისტორიულ მომენტში უნდა მიაღებინოს გადაწყვeტილებები რომელიც იმ მცირედ სინათლესაც ჩააქრობს, რაც ჯერ კიდევ ბჟუავს ევროვაშირთან მიმართებაში.

ძალიან მძიმე და სამწუხარო საყურებელია ასეთი შეშინებული ხელისუფლება რუსეთში მყოფი მილიონი ქართველის მითოლოგიით რომ კვებავს საკუთარ ამომრჩეველს“, – წერს თინა ხიდაშელი.

ცნო­ბის­თვის, რუ­სეთ­მა სა­ქარ­თვე­ლოს მო­ქა­ლა­ქე­ე­ბის­თვის სა­ვი­ზო რე­ჟი­მი გა­ა­უქ­მა. შე­სა­ბა­მი­სი გან­კარ­გუ­ლე­ბა რუ­სე­თის პრე­ზი­დენ­ტმა ვლა­დი­მერ პუ­ტინ­მა გა­მოს­ცა. პუ­ტი­ნის გან­კარ­გუ­ლე­ბის თა­ნახ­მად, სა­ვი­ზო რე­ჟი­მი 15 მა­ი­სი­დან გა­უქ­მდე­ბა. ვი­ზის გა­რე­შე რუ­სე­თის ტე­რი­ტო­რი­ა­ზე ყოფ­ნის უფ­ლე­ბა სა­ქარ­თვე­ლოს მო­ქა­ლა­ქე­ებს 90 დღემ­დე ვა­დით შე­ეძ­ლე­ბათ. ამას­თან, ვლა­დი­მერ პუ­ტინ­მა რუ­სუ­ლი ავი­ა­კომ­პა­ნი­ე­ბის­თვის სა­ქარ­თვე­ლო­ში ფრე­ნებ­ზე აკ­რძალ­ვაც მოხ­სნა.