"სავიზო რეჟიმის მოხსნის ამბავი რომ გავიგე, დიდი სიმძიმე მომეხსნა, ჩავუყვან პეტერბურგში ჩემ 90 წლის დედამთილს, თავის 8 შვილთაშვილს" - ხათუნა ხოფერია

ყოფილი პარლამენტარი, ხათუნა ხოფერია სოციალურ ქსელში პოსტს აქვეყნებს და რუსეთის მიერ საქართველოს მოქალაქეებისთვის სავიზო რეჟიმის გაუქმებას ეხმაურება.

მისი თქმით, ეს ყველაფერი დიდი ხნის წინ უნდა მომხდარიყო.

"საერთოდ აღარ მაინტერესებს ვინ, სად, როდის, რა ქნა… რაღაცნაირი სიმშვიდე მაქვს… 30-ის აქციის შემდეგ. 

ან რა უნდა მაინტერესებდეს?!… რა თქვა ოპოზიციამ?.. რატომ იბრდღვნის ბუმბულს სალომე?!.. რას აპირებენ ულიდეროდ დარჩენილი ოპოზიციონერები?..

აბა, სადაა ოპოზიცია?… ფაფუ, არაა.. არა…

როგორც აღმოჩნდა, ქართული ოპოზიცია კი არა, ქოლცენტრის თანამშრომლები ყოფილან… ყველა ერთად, თავისი ჟურნალ- გაზეთებიანად…

ჰო და, ამათ ვუსმინო? 

არ მინდა, ბატონო, ესენი ევროპაში ტელეფონიდან ატყავებდნენ ადამიანებს. ჩვენ კიდე კარგად ვართ გადარჩენილები.

ასე რომ, ჩემი ქილცენტრის თანამშრომლებო, უვიზო რეჟიმიც იქნება, პირდაპირი ფრენებიც, კანდიდატის სტატუსსაც მოგვანიჭებენ თურქეთივით… 30 წლით. შავი ზღვის აუზის ქვეყნების დეამერიკანიზაციაც მოხდება, როგორც ბიძია ერდოღანმა თქვა… უფ, კუდევ ბეეევრი რაღაცეები იქნება, სულ ქოლცენტრში რომ მოგხვდებათ ისეთი. ტალახაძე კიდევ ბევრჯერ დაძლევს საკუთარ მსოფლიო რეკორდს, კვარა უამრავ უალამაზეს გოლებს გაიტანს, რაგბშიც და კალათბურთშიც გავხდებით ჩემპიონები, ყველაფრის ჩემპიონები გავხდებით… უფრო სწორედ, ვართ! 

ახლა წავედი, დავიძინებ მშვიდად, მშვიდობიან საქართველოში!

P.S.

სავიზო რეჟიმის მოხსნის ამბავი რომ გავიგე, დიდი სიმძიმე მომეხსნა. ჩავუყვან პეტერბურგში ჩემ 90 წლის დედამთილს თავის 8 შვილთაშვილს, გავაბედნიერებ!

როცა წავა, თავისი გაზრდილი შვილიშვილები გააცილებენ! 

ეს კანონზომიერია! ეს ასე უნდა ყოფილიყო!", - წერს ყოფილი პარლამენტარი.

შეგახსენებთ, რუსეთის პრეზიდენტმა, ვლადიმერ პუტინმა საქართველოსთან სავიზო რეჟიმი გააუქმა. პუტინის განკარგულებით, 15 მაისიდან საქართველოს მოქალაქეებს რუსეთში ჩასვლა 90 დღის ვადით, უვიზოდ  შეეძლებათ.

რუსეთმა საქართველოსთან პირდაპირი ავიამიმიმოსვლა თბილისში ანტირუსული საპროტესტო გამოსვლების ფონზე 2019 წლის ზაფხულში შეაჩერა.

2008 წლის 7 აგვისტოს რუსეთ-საქართველოს მრავალწლიანი კონფლიქტი რუსეთის ღია სამხედრო აგრესიაში გადაიზარდა, რასაც ასეულობით ადამიანის მსხვერპლი, ეთნიკური წმენდა და რუსეთის მიერ საქართველოს ორი რეგიონის, აფხაზეთის და სამაჩაბლოს ოკუპაცია მოჰყვა.