"მე ჩემს მისიას ვხედავ იმაში, რომ..." - რა მიმართვას ავრცელებს მიხეილ სააკაშვილი?

საქართველოს მესამე პრეზიდენტი, მიმართვას ავრცელებს, სადაც მიხეილ სააკაშვილი საკუთარ მისიაზე წერს და აღნიშნავს, რომ ის ქართველ ხალხს რუსეთისგან გათავისუფლებაში დაეხმარება.

"ყველა, ვინც არის უკრაინის მხარეს, არის ევროპის, თავისუფლების, ტერიტორიული მთლიანობის და ისტორიის სწორ მხარეს. ყველა, ვინც მთლიანად დაუწვა რუსეთს, განუდგა და შეურაცხყოფა მიაყენა უკრაინას, სულ მალე ძალიან დიდი მარცხი ელის. არა მხოლოდ რუსეთის არმიის, არამედ პუტინის დღეები არის დათვლილი. 

ჩვენ ყველამ უნდა გავაგრძელოთ ბრძოლა და მოვემზადოთ X მომენტისთვის. 

მე ჩემს მისიას ვხედავ იმაში, რომ დავეხმარო ქართველ ხალხს რუსეთის და მისი ნარჩენებისგან საბოლოოდ გათავისუფლებაში თუნდაც პირადი თავგანწირვის ფასად და ამის შემდეგ თუ შემეძლება დავბრუნდე ჩემს სახლში, უკრაინაში და დავეხმარო ზელენსკის გუნდს ქვეყნის აღორძინებაში", - წერს საკაშვილი.

შეგახსენებთ, რომ საქართველოს ექსპრეზიდენტი, მიხეილ სააკაშვილი 2021 წლის ოქტომბერში დააკავეს. ის მსასჯელს რამდენიმე მუხლის საფუძველზე იხდის.