ხვიჩა სერია A-ს საუკეთესო მოთამაშედ, აბსოლუტურად დამსახურებულად არის აღიარებული - რას ამბობს ცნობილი იტალიელი მწვრთნელი?
ცნობილმა იტალიელმა მწვრთნელმა, ფაბიო კაპელომ სერია A-ში სეზონის საუკეთესო ფეხბურთელად „ნაპოლის“ თავდამსხმელის, ხვიჩა კვარაცხელიას დასახელებაზე კომენტარი გააკეთა
"ვეთანხმები არჩევანს. ხვიჩა სერია A-ს საუკეთესო მოთამაშედ აბსოლუტურად დამსახურებულად არის აღიარებული“, – ციტირებს გამოცემა "ჩემპიონატი“ კაპელოს სიტყვებს.
შეგახსენებთ, იტალიის ლიგაში სადებიუტო სეზონში „ნაპოლის“ ქართველმა გარემარბმა 33 მატჩში 12 გოლი გაიტანა და 10 საგოლე გადაცემა შეასრულა, რითიც ის გუნდს ტიტულის მოპოვებაში დაეხმარა.
