11 წლის გო­გო­ნა დარ­ჩა, მე­უღ­ლეს 7 წლის წინ და­შორ­და - სასტიკი მკვლელობის ახალი დეტალები

27 წლის ქალს, რომელიც ყოფილმა მეუღლემ თბი­ლის­ში მოკლა, 11 წლის გოგონა დარჩა.

გავრცელებული ინფორმაციით, მ.მ. ყოფილ მეუღლეს 7 წლის წინ დაშორდა.

მა­მა­კაც­მა ყო­ფი­ლი ცოლი მოკ­ლა და კვა­ლის და­ფარ­ვის მიზ­ნით ცხე­და­რი ხევ­ში გა­და­აგ­დო. პო­ლი­ცი­ამ და­ნა­შა­ულ­ში ბრალ­დე­ბუ­ლი 31 წლის მა­მა­კა­ცი და­ა­კა­ვა.

"შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, 1992 წელს დაბადებული ნ.ლ. ოჯახის წევრის მიმართ ჩადენილი განზრახ მკვლელობის ბრალდებით დააკავეს.

გამოძიებამ დაადგინა, რომ ბრალდებულმა საკუთარ ავტომობილში, ურთიერთშელაპარაკების ნიადაგზე, ყოფილი მეუღლე - 1996 წელს დაბადებული მ.მ. თოკით გაგუდა. ბრალდებულმა დანაშაულის დაფარვის მიზნით, ცხედარი, მეორე დღეს ნაქირავები ავტომობილის საბარგულში მოათავსა, გლდანის ციხის მიმდებარე ტერიტორიაზე მივიდა და ხევში გადააგო. სამართალდამცველებმა ჩატარებული საგამოძიებო მოქმედებების შედეგად, დანაშაულში ბრალდებული ნ.ლ. მომხდარიდან მალევე დააკავეს“, - აცხადებენ შსს-ში.