სტიქიამ ადიგენში 12 სოფელი დააზარალა, ზიანი მილიონ ლარამდეა - მერი
უხვმა ნალექმა და სეტყვამ ადიგენისა და ახალქალაქის მუნიციპალიტეტის სოფლებიც დააზარალა.
ბოსტნეულის და მარცვლეულის კულტურებს დაახლოებით მილიონ ლარამდე ზიანი მიადგა, თუმცა მის ანაზღაურებას მერია ვერ უზრუნველყოფს.
"12 სოფელი დაზარალდა, მაგრამ როგორც ახლა ვარკვევთ 80%-ით ნათესები განადგურდა 3 სოფელში. წინასწარი დათვლით, სადღაც მლნ ლარამდე მიდის ბოსტნეულისა და მარცვლეულის ზიანი. სამწუხარო ის არის, რომ ანაზღაურება არ ხდება, ეს უბრალოდ სტატისტიკისთვის გვჭირდება", - ამბობს ადიგენის მერი, გოჩა ქიმაძე.
