გვარწმუნებდნენ, რომ კვდებოდა, ყველამ ბოდიში მოიხადოს - კახა კალაძე სააკაშვილზე
თბილისი მერი, კახა კალაძე ბოდიშის მოხდას ითხოვს ყველასგან, ვინც მისივე თქმით, მთელი ამ დროის განმავლობაში ამტკიცებდა, რომ მიხეილ სააკაშვილი კვდებოდა.
"გვარწმუნებდნენ იმაში, რომ ეს ადამიანი კვდებოდა, რამეს ხო არ ვაჭარბებ? ამბობდნენ, რომ სააკაშვილი თითქოს ხელისუფლებამ მოწამლა და ა.შ. ახლა კეთილი ინებონ, გამობრძანდნენ, სათითაოდ დაეწყოს ყველა და ბოდიში მოუხადონ ჩვენი ქვეყნის მოსახლეობას იმ სიბინძურისა და სიცრუის გამო, რასაც მთელი ამ ხნის განმავლობაში აკეთებდნენ", - ამბობს კალაძე.
