"კონტროლიორებმა 80 წლის ბებო დააჯარიმეს... ემუდარებოდა, რადგან კათარზისში აგვიანდებოდა, თორემ მშიერი დარჩებოდა! 20 თეთრის გამო, 60 ლარს ართმევენ" - რა ინფორმაცია ვრცელდება?
სოციალური ქსელის მომხმარებელი, ნინი გაჩეჩილაძე ფეისბუქზე 80 წლის უმწეო ბებოს დაჯარიმეის შესახებ ავრცელებს ინფორმაციას.
"არ ვიცი, ასეთ დროს უნდა ვთქვა, როცა მოხუცებულ ადამიანს ვერ უშველე და უმწეობისგან განადგურებული მთელი გზა, ტირილით დავბრუნდი სახლში!...
სამს აკლდა წუთები, გზა გადავჭერი, რომ ტრანსპორტში ჩავმჯდარიყავი. გაჩერებაზე სამარშრუტო ტაქსი იდგა. კარი ღია ჰქონდა და თავიდან ვერ მივხვდი, ამდენი ხანი იქ რატომ იდგა. მოგვიანებით კონტროლიორებმა მოხუცებული ბებო, დაახლოებით 80 წლის, იძულებით ჩამოსვეს გაჩერებაზე და აქტის შედგენა დაიწყეს!..
ქალბატონი ემუდარებოდა და სთხოვდა კონტროლიორებს, რომ გაეშვათ, რადგან კათარზისში აგვიანდებოდა, მისვლა სამ საათამდე ყოფილა საჭირო, თორემ მეორე დღის სამ საათამდე მშიერი დარჩებოდა!...
ბარათზე ანგარიში გათავებია იმ წუთას, მაგრამ ძალიან აგვიანდებოდა!
მივმართე თხოვნით, რომ დაეშვათ ერთი გამონაკლისი და მოხუცი გაეშვათ, მაგრამ ქვა ააგდეს და თავი შეუშვირეს!...
ასეთი პირქუში ხალხი ცხოვრებაში არ შემხვედრია! მოხუცებულ ქალბატონს ბარათი წაართვეს და ჯარიმას უწერდნენ!
ბებო სთხოვდა, რომ არ დაეჯარიმებინათ, რადგან პენსიით, მხოლოდ წამლების ყიდვას ახერხებდა, მაგრამ ისინი შეუვალები იყვნენ!
ბებო მიტრიალდა, არც სამგზავრო ბარათი აღარ გამოართვა და ტირილით გააგრძელა გზა. ახლა ან მიუსწრებ და ან არაო!...
კონტროლიორებს მივმართე, რომ არასწორად მოიქცნენ და კანონი კანონია, მაგრამ უმწეო მოხუცის მეტი ვერავინ ნახეთთქო?...
ვეღარ შევიკავე თავი ვუსაყვედურე!
"სულელიო", თქვეს, რაღაცაზე ხელი არ მოუწერია და ახლა პენსიიდან 60 ლარი ჩამოეჭრებაო!
ეს იყო მათი პასუხი!
ადრეც იყვნენ კონტროლიორები ტრანსპორტში, მაგრამ ისინი თავაზიანათ სთხოვდნენ ხალხს, ბილეთი შეეძინათ, ახლა ჩვეულებრივი რეკეტია, 20 თეთრის გამო, ბებოს 60 ლარს ართმევენ, ამას რა ქვია?!
შემოვარდებიან, ჯერ ტრანსპორტში ასული არ ხარ და გარეკეტებენ!...
მთელი გზა ვტიროდი, ნეტა მიუსწრო ფეხით მიმავალმა ბებომ თავის სადილს, თუ მეორე დღის სამ საათამდე დარჩა მშიერი?...
არ ვიცი რა ვთქვა?!....
უფალო, შენ დაიფარე ყველა ადამიანი და შენი კალთა გადააფარე, ამინ!", - წერს ნინი გაჩეჩილაძე.
