ნატო-ში უკრაინის წევრობის საკითხზე ვილნიუსის სამიტის შემდეგ იმსჯელებენ - იენს სტოლტენბერგი
ნატო-ს გენერალური მდივნის, იენს სტოლტენბერგის განცხადებით, ჩრდილოატლანტიკურ ალიანსში უკრაინის მომავალი წევრობის საკითხზე ვილნიუსის სამიტის შემდეგ იმსჯელებენ.
როგორც ბრიუსელში ევროკავშირის ლიდერების შეხვედრის წინ იენს სტოლტენბერგმა განაცხადა, უკრაინა მოკავშირეებისგან მკაფიო სიგნალს მიიღებს.
"უკრაინის სწრაფვას ჩრდილოატლანტიკურ ალიანსში წევრობისკენ ვილნიუსის სამიტის შემდეგ განვიხილავთ. ღრმად ვარ დარწმუნებული იმაში, რომ მოკავშირეები ამ ქვეყანას ძალიან ძლიერ სიგნალს გაუგზავნიან", - განაცხადა იენს სტოლტენბერგმა.
