"ზღვაში ამობრუნდა გასაბერი ნავი, სამაშველომ 3 ბავშვი ამოიყვანა, ლუკაზე ამბობენ გამოცურაო" - ბათუმში 16 წლის ლუკა აბულაძეს ეძებენ (ვიდეო)
ბათუმში 16 წლის ლუკა აბულაძეს ეძებენ. ოჯახის ინფორმაციით, ბიჭი 4 ივლისს, მეგობრებთან ერთად ზღვაში ე.წ. ბანანით შეიყვანეს, მოზარდები წყალში გადავარდნენ. არსებული ცნობით, ამის შემდეგ ბიჭი აღარ უნახავთ.
"როგორც მეგობრებმა ამიხსნეს, 4 ბავშვი ე.წ. ბანანით კატერმა შეიყვანა გასასეირნებლად ზღვაში, ამობრუნების შემთხვევაში ეს ბავშვები აღმოჩნდნენ წყალში. სამაშველომ გამოიყვანა სამი. ბავშვები ამბობენ, რომ გამოცურაო, ნაპირზე, ქალაქში არ არის, აუცილებლად მოვიდოდა სახლში. ვითხოვთ სამაშველო სამსახურების ჩართვას და სწრაფ რეაგირებას", - ამბობს ბიძა.
