"ყველაზე კეთილი, სუფთა და უანგარო კაცი იყო დედამიწის ზურგზე" - ნინი შერმადინი მამას ემოციურად იხსენებს

მომღერალი, ნინი შერმადინი სოციალურ ქსელში მამის დაბადების დღესთან დაკავშირებით ემოციურ პოსტს აქვეყნებს.

"გოგოებს განსაკუთრებულად გვიყვარს მამები… მეც განსაკუთრებულად მიყვარდა ჩემი ყველაზე კეთილი ნოდარიკო.

მიყვარდა, არა მიყვარს… ამ გრძნობას წარსული ფორმა არ აქვს… ვინც მიცნობს იცის, კონცერტზე, კლუბში, გასტროლზე, კლიპის გადაღებაზე, ჩაწერაზე, მარკეტშიც კი ნოდარის დავყავდი.

მამი, წამო რა და ორ წამში მზად იყო, სადმე წამომყოლოდა. ყველა ამბობს, რომ კარგი იუმორის გრძნობა მაქვს, ესეც ნოდარისგან მერგო წილად. ყველაზე კეთილი, სუფთა და უანგარო კაცი იყო დედამიწის ზურგზე და ზუსტად ისე სუფთად წაიყვანა უფალმა თავისთან ვნების კვირაში ნაზიარები… მისი ბოლო სიტყვები იყო სადიდებლად უფლისა… მე იქ მფარველი ანგელოზები მელოდებიან ფისო და ნოდარიკო ჩემი ათიანი, ათიანი რატომ დავარქვი იცით? ნოდარიკო გამხდარი იყო და ფისო ბუთქუჩელა. ათიანს გავდნენ როცა ერთად იდგნენ. ერთადაც წავიდნენ…

მამი გილოცავ დაბადების დღეს. 68 წლის გახდებოდა დღეს…  ძალიან ადრე იყო წასვლა… მენატრები ხომ იცი ძალიან… ხანდახან მაინც დამესიზმრე. გილოცავ დაბადების დღეს, მანდ კი ხართ ყველა და კარგად ხართ… მადლობა ყველაფრისთვის. მე ყველაზე კარგი მამა მყავდა“, – წერს ნინი შერმადინი.