საქართველოდან რუსეთსა და ბელარუსში ავტომობილების ექსპორტი აიკრძალა
საქართველოდან რუსეთსა და ბელარუსში მანქანების ექსპორტი აიკრძალა.
შეზღუდვა, რომელიც ამერიკის შეერთებული შტატებიდან შემოყვანილი მანქანების რეექსპორტს/ექსპორტს ეხება, 1 აგვისტოდან ამოქმედდა.
26 სექტემბრიდან შეზღუდვა ევროკავშირიდან შემოყვანილ მანქანებსაც შეეხება.
აღნიშნულ აკრძალვებს აშშ-ის და ევროკავშირის მიერ დაწესებული სანქციების მე-11 პაკეტი ითვალისწინებს, რომელიც 23 ივნისს შევიდა ძალაში.
სანქციების მე-11 პაკეტით იკრძალება ევროკავშირიდან რუსეთში ძვირად ღირებული მანქანების ექსპორტი. მათ შორისაა ყველა ახალი და მეორეული მანქანა, რომელთაც 1900 სმ³-ზე მეტი ძრავა აქვთ, ყველა ელექტრო და ჰიბრიდული მანქანა.
საქართველოდან რუსეთში ავტომობილების ექსპორტმა მკვეთრად მოიმატა უკრაინაში ომის დაწყების შემდეგ. განსაკუთრებით გაიზარდა ძვირად ღირებული ავტომობილების ექსპორტი.
