"ცოცხალს აღარავინ ეძებს, მკვდარი გვაპოვნინეთ ვინც იქაა ჩვენიანი, საფლავის გარეშე ნუ დარჩებიან" - სულის შემძვრელი ვიდეო შოვიდან
სოციალურ ქსელში რაჭიდან, შოვიდან სულის შემძვრელი ვიდეო ვრცელდება.
"ცოცხალს აღარავინ ეძებს, მკვდარი გვაპოვნინეთ ვინც იქაა ჩვენიანი, საფლავის გარეშე ნუ დარჩებიან", - ამბობს მოქალაქე.
შეგახსნებთ, სამაშველო ოპერაცია დილიდან განახლდა - მუშაობა განაახლეს ვერტმფრენებმაც, რომლებმაც ღამით შეზღუდული ხილვადობის გამო, ვეღარ შეძლეს სამაშველო ოპერაციაში მონაწილეობა.
დაშავებულებისა და დაღუპულების შესახებ განახლებული ინფორმაცია ჯერჯერობით არ ვრცელდება. ამ დროის მონაცემებით, რაჭაში სტიქიას 2 ადამიანი ემსხვერპლა.
სტიქიის ზონიდან 80-ზე მეტი ადამიანის ევაკუაცია განხორციელდა, ისინი ახლა უსაფრთხო ადგილას არიან გადაყვანილი, მათ შორის არიან სკოლის მოსწავლეები, რომლებიც ბანაკში იმყოფებოდნენ.
