აღარ ვიცით რა გავაკეთოთ, გთხოვთ დაგვიკავშირდით - სტიქიის შემდეგ დაკარგულ კიდევ ერთ მამაკაცს ეძებენ
რაჭაში სტიქიის შედეგად დაკარგულებს ამ დრომდე ეძებენ.
„გამარჯობა. სტიქიის შემდეგ ვეძებთ ლევან რაზმაძეს. თუ ვინმემ რამე იცით გთხოვთ დაგვიკავშირდეთ“,- წერენ ერთ-ერთ ჯგუფში ოჯახის ახლობლები.
შეგახსენებთ, რომ 3 აგვისტოს შოვში მეწყერი ჩამოწვა. სტიქიას რაჭაში 11 ადამიანის სიცოცხლე ემსხვერპლა, 25-მდე ადამიანს კი ამ დრომდე ეძებენ. სტიქიის ზონიდან უსაფრთხო ადგილას სულ 210 ადამიანია გაყვანილი.
სამძებრო-სამუშაოებში ჩართულია 400-მდე მაშველი, ორი ვერტმფრენი, პროცესში ჩაერთო ჯარიც. შოვში მომხდარ სტიქიასთან დაკავშირებით ამოქმედებულია ცხელი ხაზი - 598 913 089.
