„მინდოდა დრო გამეტარებინა საყვარელ გოგოსთან და მეგობრებთან ერთად. აი, მე შევცდი“ - ომის მხარდამჭერი რუსი მსახიობი საქართველოში არ შემოუშვეს
რუსი მსახიობი ვიტალი გოგუნსკი საქართველოში არ შემოუშვეს. "ტელეგრამზე" გავრცელებულ ვიდეოში ჩანს, რომ მსახიობი უკან, მოსკოვში ბრუნდე
გოგუნსკი ამტკიცებს რომ საქართველოში მეგობარ გოგონასთან ერთად სურდა დასვენება და მიაჩნია, რომ ქართველ მესაზღვრეებს „ოპოზიციის რეაქციის შეეშინდათ“. პუტინისტმა ხელოვანმა თავის თანამოქალაქეებს მოუწოდა რუსეთში დაისვენონ.
''ჩემი ვიზიტის მიზანი რომანტიული იყო, თუმცა კატეგორიულად მომაბრუნეს. საზღვარზე ვინც გამომკითხა, მითხრა კარგი ადამიანი ხარო. მაგრამ იფიქრა, რომ საქართველოში ჩემი შეშვება არ შეიძლებოდა. მინდოდა დრო გამეტარებინა საყვარელ გოგოსთან და მეგობრებთან ერთად. აი, მე შევცდი. ჩემს ძველ მეგობარს უკრაინის პასპორტით, მას ალბათ შეუშვებენ.“
გოგუნსკიმ რუსებს მოუწოდა, რომ საკუთარ ქვეყანაში დაისვენონ, მისი თქმით, რუსი ხალხი, სხვა მრავალი ერისგან განსხვავებით, ტოლერანტულია და"ყველას აპატიებს“.
"სხვა ქვეყანაში, არაფერია ისეთი ფანტასტიკური, რაც რუსეთში არ არის“, - ამბობს მსახიობი.
გოგუნსკი რუსეთის მთავრობის მხარდამჭერია. ის მომხრეა პუტინის რეჟიმის და არაერთხელ იმყოფებოდა უკრაინის ოკუპირებულ ტერიტორიებზე კონცერტით.
