“ასე მუშაობს მანკიერი სისტემა, როგორც კი ადამიანი დისკომფორტს შეუქმნის, პროკურატურა თაროზე შემოდებულ საქმეს მტვერს გადაწმენდს” – გია ხუხაშვილი
პოლიტოლოგი, გია ხუხაშვილი სეისმოლოგ, თეა გოდოლაძის შესახებ გავრცელებულ ინფორმაციას სოციალურ ქსელში ეხმაურება:
“ასე მუშაობს მანკიერი სისტემა:
პროკურატურის თაროებზე ათასობით ასეთი ე.წ. საქმე დევს, რომელსაც წლების განმავლობაში მტვერი ედება სამართლებრივი უპერსპექტივობის გამო.
როგორც კი ადამიანი დისკომფორტს შეუქმნის სისტემას, პროკურატურა გადაწმენდს მტვერს და გაააქტიურებს ერთადერთი მიზნით – შეაშინოს, დათრგუნოს და ენა ჩააგდებინოს.
ეს იმათთვის დავწერე, შოვის ტრაგედიის გამოძიების შსს-დან პროკურატურაში გადატანას რომ ითხოვენ…ვითომ ეს რამეს შეცვლის…” – წერს ხუხაშვილი.
ცნობისთვის, დღეს რუსთავი 2-მა სეისმოლოგ თეა გოდოლაძეზე გაავრცელა ინფორმაცია, რომლის მიხედვითაც ის ოჯახურ ძალადობაშია ბრალდებული.
