დღეში 20 წუთი ძილი სიცოცხლეს ახანგრძლივებს - 5 საინტერესო ფაქტი დღის ძილის შესახებ

მაშინაც კი, თუ მშვენივრად გეძინათ, შეგიძლიათ დღის განმავლობაში 20-25 წუთი გამოყოთ ძილისათვის - ამ გზით თქვენ

არა მხოლოდ მოიხსნით დაღლილობას, არამედ შეინარჩუნებთ ჯანმრთელობას და ცოტათი გახანგრძლივებთ სიცოცხლესაც კი. გთავაზობთ 5 ფაქტს დღის ძილის შესახებ:

აუმჯობესებსმეხსიერებასდასწავლის უნარს

ყველას, ვისაც კი ოდესმე ლექციაზე ეძინა, ახსოვს ეს საოცარი მოვლენა. მონაცემები დასტურდება კვლევით: დღის ძილით ხანმოკლე შესვენება, პირველ რიგში, ინფორმაციის აღქმაზე პასუხისმგებელი ნეირონების გააქტიურების საშუალებას იძლევა და მეორეც, ადრე მიღებული ინფორმაციის სტრუქტურირებას უწყობს ხელს.

უფროჭკვიანსგვხდის

ამას ადასტურებენ NASA-ს მეცნიერები: მათი მონაცემებით, დღის განმავლობაში მხოლოდ 30 წუთიანი დასვენება საკმარისია კოგნიტური შესაძლებლობების 40%-ით გაზრდისთვის. მაგრამ არ დაიძინოთ ძალიან ბევრი: მნიშვნელოვანია, რომ ტვინს არ ჰქონდეს დრო ღრმა ძილის ფაზაში ჩაძირვის საშუალება. წინააღმდეგ შემთხვევაში, როცა გაიღვიძებთ, თავს ზედმეტად დაღლილად იგრძნობთ.

აუმჯობესებსკრეატიულობას

20 წუთი "გადატვირთვაც" საკმარისია ახლის შექმნისას საჭირო ასოციაციური აზროვნებისა და წარმოსახვის გასაუმჯობესებლად. ასე რომ, თუ რაიმე მნიშვნელოვან პრობლემას ვერ გადაჭრით, წადი დაიძინე 20-25 წუთი.

სიცოცხლესახანგრძლივებს

გამოიმუშავეთ დღის ძილის ჩვევა. ჟურნალში Sleep Healp-ში გამოქვეყნებული კვლევის მიხედვით, ეს საშუალებას გაძლევთ შეინარჩუნოთ ტვინის დიდი მოცულობა - ახალგაზრდობის ერთ-ერთი ნიშანი. ექსპერიმენტმა აჩვენა, რომ მოხალისეების, რომლებსაც რეგულარულად ეძინათ დღის განმავლობაში, ტვინის მოცულობა 15 კუბური სანტიმეტრით მეტი იყო. და ისინი საშუალოდ 2,5-5 წლით მეტხანს ცხოვრობდნენ.

იცავს გულს

დღის ძილის კიდევ ერთი სასარგებლო ეფექტი არის გულის დაავადების რისკის შემცირება. ასე რომ, თუ კვირაში ორჯერ იძინებთ დღის განმავლობაში, გულის კორონარული დაავადების რისკი მცირდება 13%-ით, ხოლო თუ საკუთარ თავს უფლებას მისცემთ დაიძინოთ ლანჩის შემდეგ ყოველ მეორე დღეს, მაშინ 34%-ით.

წყარო: მკურნალი.გე