ეგვიპტეში ისრაელის მოქალაქეებით სავსე ტურისტულ ავტობუსს პოლიციელმა ცეცხლი გაუხსნა - არიან დაღუპულები
არაბული და ებრაული მედიის თანახმად, ეგვიპტეში, ალექსანდრიაში ისრაელიდან ჩასული ტურისტების ავტობუსს პოლიციელმა ცეცხლი გაუხსნა.
არაბული RT Arabic-ის მიხედვით, შემთხვევის შედეგად ორი ტურისტი დაიღუპა. Walla წერს, რომ ერთი ტურისტი დაიღუპა, ერთი კი დაჭრილია.
ისრაელის საგარეო საქმეთა სამინისტროს ცნობით, თავდასხმის შედეგად ისრაელის 2 მოქალაქე და მათი ეგვიპტელი ტურისტული გიდი დაიღუპა. ასევე, დაშავდა ერთი პირი.
