როგორც ჩანს, ეს სხვა ჯგუფმა გააკეთა და არა თქვენ - ბაიდენი ღაზას საავადმყოფოს დაბომბვაზე

"როგორც ჩანს, ეს სხვა ჯგუფმა გააკეთა და არა თქვენ" - ასე ეხმაურება ამერიკის შეერთებული შტატების პრეზიდენტი, ჯო ბაიდენი ღაზის სექტორში საავადმყოფოს დაბომვას. 

ბაიდენის თქმით, ის აღშფოთებული და ღრმად დამწუხრებულია მომხდარის გამო. მან ისრაელის პრემიერს, ნეთანიაჰუს განუცხადა, რომ ამ თავდასხმაში არა ისრაელის, არამედ სხვა დაჯგუფების ხელი ურევია.

ღრმად ვარ დამწუხრებული. აღშფოთებული ვიყავი გუშინ ღაზაში საავადმყოფოს აფეთქებით. იმის მიხედვით, რაც ვნახე, როგორც ჩანს, ეს სხვა ჯგუფმა გააკეთა და არა თქვენ. მაგრამ ბევრი ადამიანია, ვინც ამაში დარწმუნებული არ არის", - ამბობს ჯო ბაიდენი.

შეგახსენებთ, ღაზის ცენტრში მდებარე საავადმყოფოზე საჰაერო თავდასხმას 500-ზე მეტი ადამიანის სიცოცხლე ემსხვერპლა.