სოდით კბილების გათეთრების ზიანი და სარგებელი

სოდა ანუ ნატრიუმის ბიკარბონატი გამოიყენება სხვადასხვა საყოფაცხოვრებო მიზნებისთვის.

და ერთ-ერთია კბილების გათეთრება. არის თუ არა ეს პროცედურა ეფექტური და რაც მთავარია უსაფრთხო?

რა სარგებლობა მოაქვს სოდით გათეთრებას?

კბილის პასტა, რომელიც შეიცავს სოდას, ხელს უწყობს ნადების გაჩენისა და გინგივიტის რისკის შემცირებას.

ნაკლები ბაქტერია. ზოგიერთ მავნე ბაქტერიას სჭირდება მჟავე პირობები პირის ღრუში გასამრავლებლად. სოდისა და წყლის ხსნარი ზრდის pH-ს პირის ღრუში, რაც მას ნაკლებად მჟავეს ხდის. მაგალითად, სოდის კბილის პასტის სახით გამოყენებამ შეიძლება შეამციროს ბაქტერიების ზრდა, რომლებიც იწვევს კბილების კარიესს.

ნამდვილად ათეთრებს კბილებს. კვლევამ აჩვენა, რომ სოდა არის რბილი აბრაზიული თვისებების მქონე, რომელსაც შეუძლია კბილებიდან ლაქების მოცილება და აქვს მათეთრებელი თვისებები. სწორედ ამიტომ არის ის პოპულარული ინგრედიენტი მრავალ კბილის პასტებში.

აქვს თუ არა რაიმე უარყოფითი მხარე სოდის გამოყენებას კბილების გასათეთრებლად?

მინანქრის დაზიანება. თუ გამუდმებით იყენებთ სოდას, შეიძლება დაზიანდეს კბილის მინანქარი.

სოდა არ შეიცავს ფტორს, რომელიც ხელს უწყობს კბილების გამაგრებას და კბილის კარიესის პრევენციას, ამიტომ მაინც საჭიროა ჩვეულებრივი კბილის პასტის გამოყენება.

ბრეკეტებთან დაკავშირებული პრობლემები. თუ ბრეკეტები ორთოდონტიული წებოვანის საშუალებითაა დამაგრებული, სოდა არბილებს წებოვანს და შეიძლება გამოიწვიოს კონსტრუქციის გატეხვა.

ამერიკული სტომატოლოგიური ასოციაცია მიიჩნევს, რომ სოდა უსაფრთხოა მინანქრისთვის და დენტინისთვის, რადგან მისი სიმტკიცე შედარებით დაბალია - იგივეა, რაც თავად დენტინი და ნაკლები ვიდრე მინანქარი ან სხვა ხშირად გამოყენებული სტომატოლოგიური აბრაზივები, როგორიცაა კალციუმის კარბონატი.

სოდა შეიცავს ქიმიურ ნაერთს, რომელიც მას შესანიშნავ რბილ აბრაზიულ საშუალებად აქცევს.

სწორედ ეს აბრაზიულობა ეფექტურად აშორებს ზედაპირულ ლაქებს კბილებიდან და ათეთრებს მას. თუმცა, უფრო ღრმა წმენდისთვის და ძველი ლაქების მოსაშორებლად, სოდა არც ისე ეფექტური იქნება. უნდა მიმართოთ სტომატოლოგს ან გამოიყენოთ სპეციალურად კბილების გასათეთრებლად შექმნილი პროდუქტი.

წყარო: მკურნალი.გე