ირანში გარდაიცვალა 16 წლის გოგონა, რომელიც სავარაუდოდ მორალის პოლიციასთან უთანხმოების შემდეგ კომაში იმყოფებოდა
ირანში გარდაიცვალა 16 წლის გოგონა, რომელიც სავარაუდოდ მორალის პოლიციასთან უთანხმოების შემდეგ კომაში ჩავარდა, შემდეგ კი ტვინის სიკვდილი დაუფიქსირდა. ამის შესახებ CNN ირანის სახელმწიფო მედიაზე დაყრდნობით წერს.
არმიტა გერავანდი 1 ოქტომბერს, თეირანის მეტროში ცუდად გახდა.
გავრცელებული ცნობით, სამართალდამცველებმა მოზარდი ჰიჯაბის გამოუყენებლობის გამო ბაქანზე დააკავეს და თავის დაფარვა მოსთხოვეს. როდესაც გოგომ უარი განაცხადა, მის წინააღმდეგ ძალა გამოიყენეს, რის შემდეგაც ის უახლოეს საავადმყოფოში გადაიყვანეს.
მედიის ცნობით, არმიტა გერავანდის საქმემ შესაძლოა ისეთი რეზონანსი გამოიწვიოს, როგორც ეს 2022 წელს მოხდა, როდესაც ანალოგიურ ინციდენტს 22 წლის მაჰსა ამინი ემსხვერპლა.
წყარო - "პრაიმ ტაიმი"
